Jumat, 26 Februari 2010
lagu-lagu banjar
3:08 PM | 
Diposting oleh
budayabanjar
Ampar-Ampar Pisang
Cipt. Hamiedan AC
Lagu ini berasal dari : Kalimantan Selatan
Ampar-ampar pisang
Pisangku balum masak
Masak sabigi, dihurung bari-bari 2x
Masak sabigi, dihurung bari-bari 2x
Manggalepak, manggalepok
Patah kayu bengkok
Bengkok dimakan api,
apinya kakurupan
Bengkok dimakan api,
apinya kakurupan
Nang mana batis kutung, dikitip bidawang 2x
Jari kaki sintak, dahuluakan masak 2x
Ampar-ampar pisang
Pisangku balum masak
Masak sabigi, dihurung bari-bari 2x
Masak sabigi, dihurung bari-bari 2x
Mangga ricak, mangga ricak
Patah kayu bengkok
Tanduk sapi, tanduk sapi, kulibir bawang 2x
Sapu Tangan Babuncu Ampat
Cipt. Zaini / Taboneo Group
Saputangan babuncu ampat
Sabuncunya dimakan api
Dimakan api
Luka nang di tangan
Kawa dibabat
Luka nang di hati
Hancur sakali
Tabang bamban jangan diparit
'Mun diparit buang ka sumur
Buang ka sumur
Rindang pang dandam
Jangan diharit
Lamun diharit
Mambawa umur
Paris Barantai
Cipt. H. Anang Ardiansyah
Lagu ini berasal dari Kalimantan Selatan
Wayah pang sudah hari baganti musim
Wayah pang sudah
Kotabaru gunungnya Bamega
Bamega umbak manampur di sala karang
Umbak manampur di sala karang
Batamu lawanlah adinda
Adinda iman di dada rasa malayang
Iman di dada rasa malayang
Pisang silat tanamlah babaris
Babaris...tabang pang bamban kuhalangakan
Tabang pang bamban kuhalangakan
Bahalat gununglah babaris
Babaris hatiku dandam ‘kusalangakan
Hatiku dandam ‘kusalangakan
Burung binti batiti di batang
Di batang si batang buluh kuning manggading
Si batang buluh kuning manggading
Kacilangan lampulah di kapal
Di kapal anak Walanda main komidi
Anak Walanda main komidi
Malam tadi bamimpilah datang
Rasa datang rasa bapaluk lawan si ading
Rasa bapaluk lawan si ading
Kasiangan guringlah sabantal
Sabantal tangan ka dada hidung ka pipi
Tangan ka dada hidung ka pipi
Anak Pipit
Cipt. Hamiedan AC
Anak pipit
Gugur matan di sarang
Ka tanah di sala rapun saray
Umay umay
Kada pang sampai hati
Malihat anak pipit 'kan cilaka
( * )
Kasihani anak pipit
Ambili anak pipit
Jangan biarkan anak pipit
Dalam sengsara
Kasihani anak pipit
Ambili anak pipit
Jangan biarkan anak pipit
Dalam sengsara
Bagasing Balogo
Cipt. H. Anang Ardiansyah
Bagasing main di palatar, di lantay cinik baputar
diulay wan tali balati, tali ayunan digawi
madayi disariki nini, tali ayunan digawi
karasmin di Banjar, bagasing balogo
Balogo di tangah jalan, malancar laju babanaran
jangan landaw urang dituju, nang lalu lalang taganggu
bursiah takana busu, dibuang sidin ka banyu
karasmin di Banjar, bagasing balogo
Bagasing, balalawasan bapusing
gasingnya kayu kamuning, mandangung babunyi nyaring
Balogo, tampurung balapis talu
ditegang takana paha, ati-ati biji nangka
La la la, la la la la la, la la la
la la la la, la, la la la
la la la la, la, la la la
Langganan:
Posting Komentar (Atom)
Rumah Adat Banjar
Salah Satu Contoh Rumah Adat Banjar
0 komentar:
Posting Komentar